tami

როგორ გაზარდოს საუბნო აფთიაქმა სტაბილური მომხმარებლების ნაკადი (ადამიანები/ოჯახები, ვინც სტაბილურად იმ აფთიაქში დადიან და აკეთებენ სასურველ შენაძენს)

12 posts in this topic

ზოგადი ინფორმაცია: საუბარია საუბნო აფთიაქების ქსელზე, რომელიც განთავსებულია მჭიდროდ დასახლებულ ადგილებში, თბილისსა და რეგიონებში, არამაგისტრალურ ტერიტორიაზე, არის მომცრო ზომის, ლოკალური საჭიროების ასორტიმენტით აღჭურვილი. სამუშაო საათებია 9:00-22:00, შაბთ-კვირის ჩათვლით.


 

ბიზნეს მოდელის პრიორიტეტებია
ფარმაცევტები - კვალიფიციური, სანდო, პროაქტიური, რომლებიც იცნობენ თავიანთ მომხმარებლებს და მათ საჭიროებებს. ფარმაცევტებს შეუძლიათ კვალიფიციური რჩევის მიცემა და ჯანმრთელობაზე ზრუნვასთან დაკავშირებით მომხმარებლების სწორად დაკვალიანება, გამოირჩევიან გულისხმიერებით.
პროდუქტები - უმაღლესი ხარისხის ბრიტანული, ესპანური, ამერიკული საკვები დანამატები, ვიტამინები, რომელიც ჯანმრთელობისთვის, ცხოვრების ხარისხის ამაღლებისთვის მნიშვნელოვანია. მედიკამენტები, პარაფარმაცია, მოვლის საშუალებები, ვიტამინები და საკვები დანამატები, ჯანმრთელობაზე ზრუნვის სხვა უამრავი პროდუქტი ან სერვისი დაწყებული ჯანსაღ ცხოვრებაზე წიგნებიდან დამთავრებული ბავშვის გონების განვითარების სათამაშოები თუ ორსულის ბალიშები და სხვ
დეცენტრალიზებული სისტემა, რაც ადგილზე ფარმაცევტს საშუალებას აძლევს გარკვეული გადაწყვეტილებები მიიღოს ოპერატიულად. ეს შეიძლება უკავშირდებოდეს ფასებს, ასორტიმენტს, მომხმარებლის დასაჩუქრებას ან სხვ.  

მიზანია, რომ უბანში მინიმუმ 1000 ოჯახი სტაბილურად ამ აფთიაქში დადიოდეს. (თუ დავუშვებთ, რომ ლოკაცია ხელს უწყობს)

 

გააზიარე პოსტი


Link to post
Share on other sites
  1. გვქონდეს საჩუქრები ყოველ მე-5 ვიზიტზე და მე-10 ვიზიტზე.
  2. ორ დღეში თუ 100 ლარის პროდუქცია შეიძინა ნაწილი თანხის უკან უბრუნდებოდეს (თუ შესაძლებელია ერთიდაიმავე მომხმარებელზე ამის აღრიცხვა).
  3. ასაკოვან ხალხს ვთავაზობდეთ წნევის გაზომვას ზრუნვის გამოხატვის მიზნით.
  4. დაფაზე ყოველკვირეული ან ყოველდღიური სასარგებლო რჩევები + სასარგებლო კერძების/ნაყენების რეცეპტები.
  5. ღიმილი, სითბო, ყურადღება.

 

 

1 person likes this

გააზიარე პოსტი


Link to post
Share on other sites

აქციას გავკეთებდი : "ურჩიე მეზობელს" და მაგალითად 3 ახალი მომხმარებლის (მეზობლის ) მოზიდვის შემთხვევაში გადავცემდი ვაუჩერს ან დავარიცხავდი  ქულების კონკრეტულ რაოდენობას, რომელსაც მოგვიანებით გაანაღდებდა იმავე აფთიაქში პროდუქციის სახით. ახალი მოზიდული მომხმარებელი კი მიიღებდა ფასდაკლებას  პირველად შენაძენზე  -10 % (მაგ) და ასევე მიიღებდა ფასდაკლებას   თვეში ერთხელ ყველაზე ხშირად მოხმარებად მედიკამენტებზე. 

ამ ყველაფერს კი რა თქმა უნდა, უნდა  ემსახურებოდნენ ღიმილიანი, ყურადღებიანი და პროფესიონალი ფარმაცევტები, რომ მომხმარებელს გაუჩნდეს უკან დაბრუნების სურვილი. 

1 person likes this

გააზიარე პოსტი


Link to post
Share on other sites

სალამი

როცა  აფთიაქში ანტიპერსპერანტების და საფენების სტელაჟებს შორის რიგში მიმწყდეული, გრიპის ეპიდემიის დროს სახეში გახველებს ვინმე ავადმყოფი   ქულებზე , პერსონალის კეთილგანწყობაზე და ფასდაკლებაზე არ ფიქრობ.

გავიხსენოთ რა არის ყველაზე გამაღიზიანებელი აფთიაქში მისვლისას, როდესა თავადაც შეუძლოდ გრძნობ თავს: 

  1. რიგი.
  2. პროდუქტებით გადატვირთული სავაჭრო დარბაზი.
  3. სხვა მომხმარებლების (პაციენტების) ჩივილების სმენა.

სიამოვნებით ვისარგებლებდი აფთიაქის მომსახურებით, თუ  შევძლებდი მობილური აპლიკაციით წინასწარ გავაკეთო შეკვეთა, არ დავდგებოდი რიგში და ისე მივიღებდი პროდუქტს. ან მივიღებდი ჩემთვის განკუთვნილ შეტყობინებას პრეპარატის შეძენის დროის მოსვლის შესახებ.   ან ყველაზე შევძლებდი შემეძინა პროდუქტი სავაჭრო აპარატიდან. ლოიალურობის პროგრამა არ იქნებოდა განსაზღვრული მხოლოდ ფასდაკლებით, არამედ მივიღებდი რაიმე სახის სერვისს. 

ამისათვის საჭიროა:

  1. პროდუქტების შეთავაზების პერსონალიზაცია. CRM სისტემის გაუმჯობესება.
  2. პროდუქტების და სერვისების ჯვარედინი გაყიდვების სისტემის გაუმჯობესება.
  3. გაყიდვების ავტომატიზაცია სავაჭრო დარბაზებში სავაჭრო აპარატების გამოყენება.
  4. საიტის და მობილური აპლიკაციის საშუალებით პროდუქტების წინასწარი გაყიდვა და დაჯავშნა სისტემის გაუმჯობესება.
  5. ლოიალურობის პროგრამების გაუმჯობესება საშუალო და მაღალი შემოსავლების მქონე მომხმარებლებისათვის

  

 

 

 

 

2 people like this

გააზიარე პოსტი


Link to post
Share on other sites

1) კვლევა/გამოკითხვის ჩატარება უბნის აფთიაქის რადიუსში. 3-4 შეკითხვისგან შემდგარი კითხვარი 2 ტიპის სეგმენტზე: 1 - აფთიაქში ვინც სტაბილურად დადის, 2 - უბნის რადიუსში ბინებზე ვიზიტით. ამით გაიზრდება აფთიაქის ცნობადობა და გაირკვევა სუსტი და ძლიერი მხარეები, რეკომენდაციები.

2) მიუხედავად იმისა, რომ აფთიაქი ისედაც უბნის რადიუსზე არის გათვლილი, ი-კომერსის განვითარება ვფიქრობ სტიმულირებას გაუწევს გაყიდვებს. რაღაცა ლიმიტის ზემოთ ბინაზე მიტანის სერვისი იყოს უფასო (მომარაგება უბნის აფთიაქიდანვე). მაგალითად, თუ ადამიანს არ უნდა რიგში დახარჯოს ძვირფასი დრო და ასევე მისვლა-მოსვლაში, ამ დროს კი სახლში ყავს ოჯახის წევრი, ის ამჯობინებს შეკვეთა გაკეთოს ვებ გვერდიდან ან მობ აპლიკაციიდან, გადაიხადოს და ბინაზე იმავე დღეს მიიღოს შეკვეთა. 

2 people like this

გააზიარე პოსტი


Link to post
Share on other sites

მე აფთიაქის ფასადს და წინა მხარეს მოვაწყობდი ყვავილებით და გამწვანებით ლამაზად სკამსაც დავდგამდი და ისე გავალამაზებდი ხალხი მოსულიყო და სურათები გადაეღოთ. იქნებ წაეხმაროს ეგეც 

გააზიარე პოსტი


Link to post
Share on other sites

მე ყოველთვის გადაწყვტილებას ვიღებ ფასის მიხედვით და ჩემზე ნაკლებად მოქმედებს საჩუქრები, აქციები და დაგროვების ქულები. 

როცა ვფიქრობ, რატომ ვივლიდი კონკრეტულ აფთიაქში, სადაც შეიძლება არ დამხვდეს ყველაზე დაბალი ფასი, ერთადერთი მიზეზი მაფიქრდება - ესაა საზოგადოებრივი სარგებელი. თუ ეს აფთიაქი ქმნის განსაკუთრებულ ღირებულებას საზოგადოებისთვის, ან ეწევა ქველმოქმედებას, ან მნიშვნელოვანია მისი არსებობა ზოგადად ბაზრის სწორად განვითარებისთვის, მაშინ სიამოვნებით ვივლიდი ასეთ აფთიაქში. მგონია რომ ამ სარგებლის სწორად ფორმირება და შემდგომ გავრცელება შეიძლება იყოს გზა მეტი მომხმარებლის მოსაზიდად. ადამიანებს უყვართ კარგ საქმეში მონაწილეობა

გააზიარე პოსტი


Link to post
Share on other sites

უკვე იყო ნათქვამი რიგირ პრობლემა - ჩემი ოცნებაა რომ ყველგან იყოს რიგირ მართვის ტერმინალი, და სადაც ეს არ გამოდის და ზედმეტი ფუფუნებაა, იყოს რიგის ფიზიკურად მართვის სისტემა, როგორც უცხოურ აეროპორტებში ან საფოსტო დაწესებულებებში - სადაც ერთი საერთო რიგია და უშუალოდ ოპერატორების წინ ამ დიდი რიგიდან ვინც პირველია მიდის გათავისუფლებულ ოპერატორთან. ყველა ოპერატორთან ცალ ცალკე რიგები, იწვევს იმას, რომ ვისაც არ გაუმართლა და დიდი შესყიდვის მქონე ადამიანის უკან დგას ოპერატორთან, უწევს დიდი ხანი მოცდა, გვერდზე ოპარეატპორთან რომ გადავდიეს კი სულ თავიდან უნდა ჩადგეს რიგში

1 person likes this

გააზიარე პოსტი


Link to post
Share on other sites

თუ გვინდა რომ მომხმარებელი დაბრუნდეს მას უნდა გავატანოთ ემოცია, გარდა იმისა რომ მან იყიდა პროდუქტი მისაღებ ფასად მას სჭირდება რაღაც სხვაც, ესაა ღიმილი, ესაა სწორი მომსახურეობა,ამისთვის კომპანიას ესაჭიროება პერსონალი რომელიც სწორ კომუნიკაციას ამყარებს მომხმარებელთან,ღიმილით,პროდუქტის ცოდნით,მომხმარებლის მიმართ ინტერესის და თანაგრძნობის გამოჩენით. ამ შემთხვევაში კომპანია არაა ორიენტირებული ერთჯერად გაყიდვებზე. ამიტომ სწორი მომსახურეობა არ გულისხმობს ერთჯერად გაყიდვას, ეს გრძელვადიანი ურთიერთობის შენება უნდა იყოს მომხმარებელსა და კომპანიას შორის. პერსონალის მოტივაცია და ჩართულობა ძალიან მნიშვნელოვანია.

გააზიარე პოსტი


Link to post
Share on other sites
On 4/3/2019 at 1:39 AM, Mariam Gviniashvili said:

თუ გვინდა რომ მომხმარებელი დაბრუნდეს მას უნდა გავატანოთ ემოცია, გარდა იმისა რომ მან იყიდა პროდუქტი მისაღებ ფასად მას სჭირდება რაღაც სხვაც, ესაა ღიმილი, ესაა სწორი მომსახურეობა,ამისთვის კომპანიას ესაჭიროება პერსონალი რომელიც სწორ კომუნიკაციას ამყარებს მომხმარებელთან,ღიმილით,პროდუქტის ცოდნით,მომხმარებლის მიმართ ინტერესის და თანაგრძნობის გამოჩენით. ამ შემთხვევაში კომპანია არაა ორიენტირებული ერთჯერად გაყიდვებზე. ამიტომ სწორი მომსახურეობა არ გულისხმობს ერთჯერად გაყიდვას, ეს გრძელვადიანი ურთიერთობის შენება უნდა იყოს მომხმარებელსა და კომპანიას შორის. პერსონალის მოტივაცია და ჩართულობა ძალიან მნიშვნელოვანია.

მარიამ მადლობა, თქვენ როგორ ფიქრობთ - დღეს პროდუქტის ცოდნა, თბილის მომსახურება და თანაგრძნობა - საკმარისია ურთიერთობის ჩამოსაყალიბებლად თუ კიდევ რაღაც ძალიან განსხვავებული უნდა გააკეთოს ფარმაცევტმა/კომპანიამ - რომ ემოციური ბმა მოხდეს? 

გააზიარე პოსტი


Link to post
Share on other sites
On 4/4/2019 at 10:35 AM, tami said:

მარიამ მადლობა, თქვენ როგორ ფიქრობთ - დღეს პროდუქტის ცოდნა, თბილის მომსახურება და თანაგრძნობა - საკმარისია ურთიერთობის ჩამოსაყალიბებლად თუ კიდევ რაღაც ძალიან განსხვავებული უნდა გააკეთოს ფარმაცევტმა/კომპანიამ - რომ ემოციური ბმა მოხდეს? 

იცით რა,7 წელი ვიმუშავე მომსახურეობის სფეროში სადაც დღეში 1000ობით მომხმარებელთან მქონდა შეხება,ჩვენ ხშირად ვეძებთ რაღაც განსხვავებულს, ინოვაციურს და რა თქმა უნდა ეს ძალიან კარგია, მაგრამ ჩვენ ჯერ კიდევ ბევრი გვაქვს სამუშაო ჩვენს საკუთარ პერსონალთან მომსახურეობის კუთხით.შიგნიდან გვაქვს განწყობა გადმოსატანი.

გააზიარე პოსტი


Link to post
Share on other sites
26 minutes ago, Mariam Gviniashvili said:

იცით რა,7 წელი ვიმუშავე მომსახურეობის სფეროში სადაც დღეში 1000ობით მომხმარებელთან მქონდა შეხება,ჩვენ ხშირად ვეძებთ რაღაც განსხვავებულს, ინოვაციურს და რა თქმა უნდა ეს ძალიან კარგია, მაგრამ ჩვენ ჯერ კიდევ ბევრი გვაქვს სამუშაო ჩვენს საკუთარ პერსონალთან მომსახურეობის კუთხით.შიგნიდან გვაქვს განწყობა გადმოსატანი.

გეთანხმებით სრულიად, უბრალოდ საკმაოდ რთული ამოცანაა როდესაც ქსელი გაშლილია მთელი საქართველოს მასშტაბით, ხომ არ გაქვთ იდეები/მოსაზრებები, ეს სისტემურად როგორ შეიძლება გაკეთდეს, რომ თითოეულ თანამშრომელს უხაროდეს მომხმარებელთან ურთიერთობა და გადასცემდეს დადებით განწყობას.

გააზიარე პოსტი


Link to post
Share on other sites

შექმენი ანგარიში ან გაიარე ავტორიზაცია რომ დაამატო კომენტარი

საჭირეოა დარეგისტრირდე ან გაიარო ავტორიზაცია კომენტარის დასატოვებლად

შექმენი ანგარიში

დაარეგისტრირე ახალი მომხმარებელი


დაარეგისტრირე ანგარიში

ავტორიზაცია

გაქვს ანგარიში ? გაიარე ავტორიზაცია


ავტორიზაცია